Bizkaiko Foru Aldundia

Xedea

Mendekotasuna duten pertsonentzako egoitzetan aldi baterako egonaldiak egitea

Hartzaileak

Herritarrak

Tasak/Prezio publikoak

Erabiltzaileak ordaindu beharreko prezio publikoa kalkulatzeko, % 90eko portzentajea aplikatuko da norberaren eguneko errentaren gainean edo ?hala badagokio? bizikidetza-unitateko kide bakoitzeko errentaren gainean. Aurrekoa gorabehera, zerbitzuaren erabiltzaileak gehienez ordainduko duena ez da inoiz izango 70,86 euro baino gehiago, eguneko. Errenta konputagarriak honako hauek dira: norberaren edo besteren kontura jarduerak egitearen ondorioz lortzen diren ordainsariak, diruzkoak zein gauzazkoak, pentsioak, gizarte aurreikuspeneko araubideek onartutako prestazioak eta antzekoak. Errenta horien zenbateko garbia konputatuko da beti, eta jasotako urteko ordainsari guztiak hartuko dira kontuan

Hartzaileek bete beharreko baldintzak

1. Hirurogei (60) urte beteta izatea eskabidea aurkezten den egunean. Hala ere, mendetasuna duen edozein pertsonak egin ahal izango du eskaera, dekretu honen 2. artikuluan ezarritako egoitzetako batean bete ahal diren laguntza-beharrak eta zainketa-beharrak baditu.

2. Mendetasuna duen pertsonaren kalifikazioa izatea, behin-behinekoa edo behin betikoa.

3. Aldi baterako egonaldirako eskubidea izatea, Mendekotasun Egoeran daudenei Laguntzeko eta Autonomia Sustatzeko Sistemaren prestazioetan zerbitzuen katalogoan ezarritakoaren arabera.

4. Bizkaiko Lurralde Historikoan erroldatuta egotea.

5. Gizarte Zerbitzuei buruzko Eusko Jaurlaritzaren 2008ko abenduaren 5eko 12/2008 Legearen I. tituluaren 3. artikuluan eta artikulu hori garatzen duen arautegian ezarritako gainerako baldintzak betetzea.



Ondoko inguruabarretako batean dauden pertsonak besteren laguntza behar duten adinekoen egoitzen zerbitzutik bazter geratuko dira, hau da, ezin dira egon aldi batez horrelako egoitza batean:

a) Osasun-laguntzarako bitarteko espezializatuak behar dituztenak edo arreta handia behar dutenak, hain zuzen ere hizpide ditugun egoitza zerbitzuen ahalbideetatik kanpoko arreta edo laguntza behar dutenak.

b) Gaixotasun infekzio-kutsakorren bat dutenak; hala ere, kutsaduraren bidea dela-eta egoitza zentroan har daitezkeenak horretatik salbu daude.

c)Egoitzako ingurunearen, beste pertsona batzuekiko harremanen edo bestelako inguruabarren eraginez ondore antiterapeutikoak jasan ditzaketenak.

d) Zentroaren funtzionamendua edo bertako bizitza guztiz eragotz dezaketen portaera nahasmendu larria dutenak, hain zuzen ere mota honetako adinekoen egoitza zentroetako berezko baliabideen bidez ezin kontrola daitekeen portaera nahasmendua.Artikulu honetan egoitza zerbitzutik bazter geratzeko ezarri diren inguruabarretako bat gertatzea zerbitzuan baxa emateko eta egoitza zentrotik irteteko arrazoi edo kausa ere izango dira zerbitzuan alta eman edo egoitzan sartu ondoren.



Onuradun izaera aitortzeak ez du ekarriko, berez, foru egoitza publiko batean sartzea, horretarako ezinbestekoa delako plaza hutsak egotea. Onuradunari plaza publikorik esleitu ez bazaio, baina foru dekretu arautzailean jasotako gainerako baldintzak betetzen baditu, prestazio ekonomiko bat jasotzeko eskubidea izango du (zerbitzuari loturiko prestazioa), egoitza pribatu batean aldi baterako egonaldi bat edo batzuk ordaintzeko.

Kudeaketa organoa

GIZARTE EKINTZA SAILA
MENDETASUN-EGOERAN DAUDEN PERTSONENTZAKO ZENTROEN ATALA

Onetsitako identifikazio-sistemak

Izenperen BakQ, Ziurtagiri elektronikoa

Bestelako informazio interesgarria

Datu pertsonalen tratamenduari buruzko informazio zehaztua eta kanal anitzeko arreta

Datu pertsonalen tratamenduari buruzko informazioa
Kanal anitzeko arreta

Lotutako prozedurak

Mendekotasun-egoera aitortzeko edo berrikusteko prozedura

Nork eta nola ebazten duen

Ebazteko organo eskudunak

GIZARTE EKINTZAKO FORU DIPUTATUA

Ebazpena jakinarazteko epea

2 hilabete

Isiltasunaren ondorioak

Gaitzirizpena

Epe horren barruan interesdunei beren beregiko ebazpena jakinarazi ezik, eskabideari oniritzi zaiola ulertuko da

Errekurtsoak

Berraztertzeko errekurtsoa

Prozedura ebazten duen foru aginduak administrazio bidea agortukodu; haren aurka nahibadako berraztertzeko errekurtsoa, Herri Administrazioen Administrazio Prozedura Erkideari buruzko urriaren 1eko 39/2015 Legean araupetutakoa, aurkeztu ahal izango zaio Gizarte Ekintzako foru diputatuari ebazpena jakinarazi eta hurrengo egunetik hilabete pasatu baino lehen.

Auzibidean dauden errekurtsoak

Prozedura hau ebazten duen foru aginduaren aurka, zuzenean, edo haren aurka aurkeztutako berraztertzeko errekurtsoa ebazten duen foru aginduaren aurka Administrazioarekiko auzi-errekurtsoa aurkeztu ahal izango da Administrazioarekiko auzien jurisdikzioan, eta horretarako bi (2) hileko epea egongo da prozedura ebazten duen foru agindua edo honen aurka aurkeztutako berraztertzeko errekurtsoa ebazten duen foru agindua jakinarazten den egunaren biharamunetik, Administrazioarekiko Auzien Jurisdikzioa araupetu duen uztailaren 13ko 29/1998 Legean xedatutakoarekin bat etorriz.

Arautegia

11/2005 Foru araua, abenduaren 16(e)koa inoren laguntza behar duten adinekoentzako egoitzen foru zerbitzu publikoa arautzen duena.

Bizkaiko Foru Aldundiaren 84/2014 FORU DEKRETUA, uztailaren 1(e)koa zeinaren bidez arautzen baita mendetasuna duten pertsonentzako egoitzetan aldi baterako egonaldiak egiteko araubidea

Bizkaiko Foru Aldundiaren 83/2014 FORU DEKRETUA, uztailaren 1(e)koa honen bidez mendetasuna duten pertsonentzako egoitzen foru zerbitzu publikoa aldi baterako egonaldian emateko prezio publikoa aplikatzea erabaki da eta horretarako arauak ezarri dira.

11079/2018 Foru agindua, otsailaren 22(e)koa mendetasuna duten adinekoentzako egoitzetako plazen prezio publikoak eta banakako laguntza ekonomikoak (egoitzak eta eguneko zentroak) eguneratzeko.
Testu finkatua

Kontaktua

BIZKAIKO FORU ALDUNDIA
GIZARTE EKINTZA SAILA
(Ugasko 3)