Bizkaiko Lurralde Historikoko udalei eta mankomunitateei diru-laguntzak lehia-norgehiagoka araubidean emateko oinarriak eta deialdia ezartzea, klima-aldaketaren eta energia-trantsizioaren arloko inbertsio-proiektuak egiteko, energia-aurrezpen eta -efizientziako neurrien ezarpena bultzatuta, energia berriztagarriak sustatu eta ezartzeko; eta planak nahiz azterlanak, udalaren partaidetza duten komunitate energetikoak sortzeko jarduketak eta energiari buruzko informazioko lanen jarduketak egiteko. 2025 urterako deialdia.
Udalak, toki-administrazioa
1. Planak eta azterlanak, udalaren partaidetza duten komunitate energetikoak sortzeko jarduketak eta energiari buruzko informazioko lanen jarduketak
- Planak eta azterlanak egitea.
- Udalen partaidetzarekin energia-komunitateak sortzeko jarduketak.
- Energiari buruzko informazio-lanak.
2. Baliabide berriztagarriak aprobetxatzeko instalazioak eta kogeneraziokoak/trigeneraziokoak
- Baliabide berriztagarrien instalazioak: produkzio termikoko sistemak (biomasa-galdarak, geotermia, aerotermia, hidrotermia edo eguzki-instalazio termikoa) edo energia elektrikoa sortzeko instalazioak (eguzki fotoboltaikoak edo eolikoak).
- Kogenerazioko / trigenerazioko instalazioak.
3. Energia-aurrezpen eta -efizientziako jarduketak
- Eraikin publikoen inguratzaile termikoaren gaineko jarduketak.
- Airea girotzeko eta/edo etxeko ur beroa (EUB) produzitzeko instalazioak.
- Barne-argiztapeneko instalazioak.
- Kanpoko argiztapen publikoaren gaineko jarduketak.
- Proiektu edo jardueraren izaerari eta garapen normalari erantzun dioten eta epearen barruan egindako beharrezko gastuak, betiere indarreko arautegiaren arabera behar bezala justifikatu badira.
- Diruz lagundu ahalko da ondasun edo zerbitzuak eskuratzeagatik ordaintzen den BEZa (fakturekin). Ez da diruz lagunduko baldin eta erakunde eskatzaileak zenbateko hori berreskuratu ahal badu edo konpentsazioa jasoko badu.
Lehiaketa-prozeduraren bidez hautatuko dira eskabideak.
DIRU-LAGUNTZA KALKULATZEKO OINARRIA (KOSTU DOITUA)
1. Planak eta azterlanak, udalaren partaidetza duten komunitate energetikoak sortzeko jarduketak eta energiari buruzko informazioko lanen jarduketak egitea: Udalak: 20.000 euro (BEZa barne) eta Mankomunitateak: 30.000 euro (BEZa barne).
2. Baliabide berriztagarriak aprobetxatzeko instalazioak: Udalak: 100.000 euro (BEZa barne) eta Mankomunitateak: 150.000 euro (BEZa barne).
3. Energia-aurrezpen eta -efizientziako jarduketak: 80.000 euro (BEZa barne) eta Mankomunitateak: 140.000 euro (BEZa barne).
ZENBATEKOA
Udalerriak: Planak eta azterlanak, udalaren partaidetza duten komunitate energetikoak sortzeko jarduketak eta energiari buruzko informazioko lanen jarduketak egiteko, diru-laguntzaren zenbatekoa kostu doituaren % 100 izango da.
Baliabide berriztagarrien instalaziorako proiektuen kasuan, zenbatekoa honela kalkulatuko da:
- 20.000 biztanle edo gehiago: proiektuaren doitutako kostuaren %65.
- 10.000tik 20.000ra bitartean: proiektuaren doitutako kostuaren %75.
- 5.000tik 10.000ra bitartean: proiektuaren doitutako kostuaren %85.
- 5.000 biztanle baino gutxiago: proiektuaren doitutako kostuaren %95.
Energia-aurrezpen jarduketen proiektuen kasuan, zenbatekoa honela kalkulatuko da
- 20.000 biztanle edo gehiago: proiektuaren doitutako kostuaren %50.
- 10.000tik 20.000ra bitartean: proiektuaren doitutako kostuaren %60.
- 5.000tik 10.000ra bitartean: proiektuaren doitutako kostuaren %70.
- 5.000 biztanle baino gutxiago: proiektuaren doitutako kostuaren %80.
Mankomunitateak: Baliabide berriztagarrien instalaziorako proiektuen kasuan diru-laguntzaren zenbatekoa doitutako kostuaren %95 izango da, energia-aurrezpen jarduketen proiektuen kasuan diru-laguntzaren zenbatekoa doitutako kostuaren %80 izango da, eta planak eta azterlanak, udalaren partaidetza duten komunitate energetikoak sortzeko jarduketak eta energiari buruzko informazioko lanen jarduketak egiteko kasuetan diru-laguntzaren zenbatekoa kostuaren %100 izango da.
- Diru-laguntza eskatzen duten erakundeek egunean egon beharko dute beren zerga betebeharrei eta zuzenbide publikoko eta Gizarte Segurantzako gainerako betebeharrei dagokienez, eta egoera horri eutsi behar diote, bai diru-laguntza eskatzen denea, bai hura onartu eta ordaintzen denean.
INGURUNE NATURALA ETA NEKAZARITZA SUSTATZEKO SAILA
INGURUMENAREN KALITATEA ZAINTZEKO ZERBITZUA
Izenperen BakQ, Ziurtagiri profesionala hodeian, Ziurtagiri elektronikoa